သားကောင်းသားမြတ် ရစေသော ဂါထာ
(ပဋိသန္ဓေတည်နေစဉ် ရွတ်ဆိုရန်)
ယော မေ အယံ ဘန္တေ ကု စ္ဆိတော ကုမာရကော ဝါ ကုမာရိကာ ဝါ၊ သော ဘဂဝန္တံ သရဏံ ဂစ္ဆတိ ဓမ္မဉ္စ ဘိက္ခု သံဃဉ္စ၊ ဥပါသကံ တံ ဘဂဝါ ဓာရေတု အဇ္ဇတဂ္ဂေ ပါဏုပေတံ သရဏံ ဂတံ။

(မ-၂-၃၀၀)
ဘန္တေ- အရှင်ဘုရား၊ မေ-တပည့်တော်၏၊ ကု စ္ဆိတော- ဝမ်း၌တည်သော၊ ယော အယံကုမာရောဝါ- အကြင် သတို့သားသည်သော်လည်းကောင်း၊ ယာအယံကုမာရိကာဝါ- အကြင်သတို့သမီးသည်သော်လည်းကောင်း၊ အတ္ထိ-ရှိ၏။
သော -ထိုသန္ဓေသားသည်၊ဘဂဝန္တံ- မြတ်စွာဘုရားကို၊ သရဏံ- ကိုးကွယ်ရာဟူ၍၊ ဂစ္ဆတိ-ဆည်းကပ်ပါ၏။
ဓမ္မဉ္စ-တရားတော်ကိုလည်းကောင်း၊ ဘိက္ခုသံဃဉ္စ-ရဟန်းသံဃာကိုလည်းကောင်း၊ သရဏံ – ကိုးကွယ်ရာဟူ၍၊ ဂစ္ဆတိ-ဆည်းကပ်ပါ၏။
ဘဂဝါ-မြတ်စွာဘုရားသည်၊တံ-ထိုသန္ဓေသားကို၊ အဇ္ဇတဂ္ဂေ-ယနေ့ကိုအစပြု၍၊ ပါဏုပေတံ-အသက်ထက်ဆုံး၊သရဏံ- ကိုးကွယ်ရာဟု၊ ဂတံ-ဆည်းကပ်သော၊ဥပါသကံ- ရတနာသုံးပါး ဆည်းကပ်တတ်သူဟူ၍၊ဓာရေတု- မှတ်တော်မူပါအရှင်ဘုရား။
( မြန်မာပြန်)
မြတ်စွာဘုရား ဘုရားတပည့်တော်၏ ဝမ်း၌တည်ရှိနေသော ကလေးငယ်သည် မြတ်စွာဘုရားအား လည်းကောင်း၊ တရားတော်အားလည်းကောင်း၊ သံဃာတော်အားလည်းကောင်း၊ ကိုးကွယ်ရာအစစ်ဟူ၍ ဆည်းကပ်ပါ၏ဘုရား။ ထိုသန္ဓေသားအား ယနေ့မှစပြီး အသက်ထက်ဆုံး သရဏဂုံတည်သူဟူ၍ မှတ်တော် မူပါဘုရား။
(မွေးဖွားပြီးနောက် ရွတ်ဆိုရန်)
အယံ ဘန္တေ ( ဗောဓိရာဇကုမာရော ) ဘဂဝန္တံ သရဏံ ဂစ္ဆတိ ဓမ္မဉ္စ ဘိက္ခုသံဃဉ္စ။
ဥပါသကံ တံ ဘဂဝါ ဓာရေတု အဇ္ဇတဂ္ဂေ ပါဏုပေတံ သရဏံ ဂတံ။
ဘန္တေ- အရှင်ဘုရား၊ မေ-တပည့်တော်၏၊ဗောဓိရာဇကုမာရော – ဗောဓိရာဇ အမည်ရှိသော အကြင် သတို့သားသည်၊အတ္ထိ-ရှိ၏။
သော -ထိုသတို့သားသည်၊ဘဂဝန္တံ- မြတ်စွာဘုရားကို၊ သရဏံ- ကိုးကွယ်ရာဟူ၍၊ ဂစ္ဆတိ-ဆည်းကပ်ပါ၏။
ဓမ္မဉ္စ-တရားတော်ကိုလည်းကောင်း၊ ဘိက္ခုသံဃဉ္စ-ရဟန်းသံဃာကိုလည်းကောင်း၊ သရဏံ-ကိုးကွယ်ရာဟူ၍၊ ဂစ္ဆတိ-ဆည်းကပ်ပါ၏။
ဘဂဝါ-မြတ်စွာဘုရားသည်၊ တံ-ထိုသတို့သားကို၊ အဇ္ဇတဂ္ဂေ-ယနေ့ကိုအစပြု၍၊ ပါဏုပေတံ-အသက်ထက်ဆုံး၊ သရဏံ- ကိုးကွယ်ရာဟု၊ ဂတံ-ဆည်းကပ်သော၊
ဥပါသကံ- ရတနာသုံးပါး ဆည်းကပ်တတ်သူဟူ၍၊ ဓာရေတု- မှတ်တော်မူပါအရှင်ဘုရား။
( ဗောဓိရာဇကုမာရော ) …ဆိုသော နေရာတွင် မိမိသား သမီး၏ အမည်ကိုထည့်ရွတ်ပါ။သရဏဂုံမဆိုတတ်သေးသောသားငယ် သမီးငယ်များကိုယ်စား မိဘက သရဏဂုံ တည်ဆောက်ပေးခြင်းဖြစ်ပါသည်။
သရဏဂုံတည်တတ်သော သားသမီးများအဖြင့် သက်ရှည်ကျန်းမာ၍ ကောင်းကျိုးအဖြာဖြာရရှိစေနိုင်ပါသည်။
🌹ဤဂါထာများသည်
မဇ္ဈိမနိကာယ
မဇ္ဈိမပဏ္ဍာသ
ဗောဓိရာဇကုမာရသုတ်တွင် ဘုရားရှင်ကိုယ်တိုင် ဟောကြားတော်မူခဲ့သော ဂါထာတော်ဖြစ်ပါသည်။
ဖေဖေမေမေတို့ သားကောင်း၊ သမီးမြတ် ကလေးများ ပိုင်ဆိုင်နိုင်ကြပါစေ။
(မိခင်လောင်း၊ ဖခင်လောင်းများအတွက်) “သားသမီးရတနာတွေရအောင် နည်းကောင်းများ”
ဦးဇင်းတို့အမေ မှားခဲ့တာတစ်ခု ရှိခဲ့တယ်။ ဦးဇင်းတို့ ငယ်ငယ်တုံးက ပြောပြီးပြီ၊ အရက်မသောက်တတ်ဘူး၊ ဆေးလိပ်မသောက်တတ်ဘူး ပြောသလိုဘဲ၊ ဖဲမရိုက်တတ်ဘူးလို့ မပြောလိုဘူး။ဖဲရိုက်တတ်တယ်၊ ဘာဖြစ်လို့ ဖဲရိုက်တတ်သလဲ ဆိုတော့ ဖဲရိုက်တာ ၀ါသနာကို ပါလာတယ်။ အဲဒါကို ကြည့်ပြီးတော့၊ အမေက ဘာပြောတယ်ဆိုတော့၊ အိုး….“ငါ့သား, ငါ့သား” ငါ့သားဖဲရိုက်တတ်တာ အမေ့ကြောင့်တဲ့။
အဖေနဲ့ အမေ အိမ်ထောင်ကျတော့ ကိုယ့်အိုး၊ ကိုယ့်အိမ်လေးနဲ့ နေတဲ့အခါ အရပ်ထဲမှာ နာရေးရှိလို့ အဖေ ဖဲသွားရိုက်ရင် အမေကလိုက်သွားတယ်၊ ကိုယ်ကလဲ ပါသွားတယ်“ဗိုက်ထဲမှာ” (ရယ်မောသံများ…. )။ ရယ်စရာမောစရာ ပြောတာမဟုတ်၊ အမေကိုယ်ဝန်ဆောင်တဲ့အခါ၊ အမေလုပ်ချင်တာ သွားတဲ့ဆီကို အဲဒီကလေးက (မမြင်ရပေမယ့်) ဓါတ်ကူးသည်။
ပေါ့ပေါ့မလုပ်ပါနဲ့ ။ အဲဒီအသိတွေ မရှိလို့လဲ ကိုယ့်သားသမီးကို ဘယ်လိုစောင့်ရှောက်ရမှာလဲ မသိတဲ့ အမေတွေ တစ်ပုံကြီး၊ အဲဒီ အသိတွေ မရှိလို့ ကိုယ့်သားသမီးကို ဘယ်လိုစောင့်ရှောက်ရမှာလဲ မသိတဲ့ အဖေတွေ တစ်ပုံကြီး။
ဦးဇင်းအမေ အဲဒီဟာလေးကို သဘောပေါက် ကတည်းကနောင် ဘယ်တော့မှ အဲဒီလိုမျိုး သူ့စိတ်ထဲမှာ လုပ်ချင်စိတ် မရှိတော့။
အိုး…*#သားကောင်းသမီးကောင်းတို့အမေ ဖြစ်မည့် ပုဂ္ဂိုလ်တွေ ဂရုစိုက်လိုက်စမ်းပါ။ အခုကတည်းက ကိုယ့်သားသမီးကို လိမ္မာလာစေချင်ရင်၊ သားတွေ သမီးတွေ ဗိုက်ထဲရှိရင် မဟုတ်တာတွေ မလုပ်ဖို့၊ မဟုတ်တဲ့ ( ဖဲ၊အရက်၊ နိုက်ကလပ်) အရပ်ဆီကိုမသွားဖို့။
ကြည့်.. အဖေသွားတော့ အမေလိုက် အမေလိုက်တော့ ကိုယ်ပါ (ဗိုက်ထဲမှာ) ပါသွားတယ်။ ကိုယ် မမြင်ရပေမဲ့ ဓါတ်ကူးတယ်။“ငါ့သားရေ အမေမကောင်းတာ။ အိမ်မှာ ကျန်ခဲ့ရင် ရရင့်သားနဲ့ ယောက်ျားနောက် လိုက်သွားတယ်၊ ဖဲဝိုင်းထဲမှာ ရောက်ဖူးတဲ့အတွက် ဖဲဝါသနာပါတာပဲ” လို့ အမေ အဲဒီအတိုင်း ဆုံးဖြတ်ထားတယ်။
နားလည်လိုက်စမ်းပါ။ သဘောပေါက်လိုက်စမ်းပါ၊ မိဘက သားသမီးကို ချစ်ပေမဲ့ မချစ်တတ်တော့၊ ကိုယ်ဝန်ကြီးနဲ့ ဖဲဝိုင်းသွားမဲ့ ပုဂ္ဂိုလ်တွေ၊ အရက်ဆိုင်ကိုသွားမဲ့ ပုဂ္ဂိုလ်တွေ၊ အိုး…. မသင့်တော်တဲ့ အရပ်တွေကိုသွားမဲ့ ပုဂ္ဂိုလ်တွေ ရှိတယ်။ တကယ်ပြောရရင် ဟောဒီသားကို ပုံစံသွင်းတာ အမေနဲ့အဖေ၊ ဟောဒီသမီးကို ပုံစံသွင်းတာ အမေနဲ့အဖေ။
ဘုရားရှင် ကိုယ်တော်မြတ်ကြီး အလောင်းတော် ဟိုး… နတ်ပြည်လောက နတ်နန်းကနေပြီးတော့ မယ်တော်မာယာရဲ့ ၀မ်းကြာတိုက်ကို ၀င်မယ်ဆိုတော့ ကြည့်ခြင်းကြီး ငါးပါးနှင့်ကြည့်သည်။ နတ်ပြည်ဌာန နတ်လောက က လူ့ပြည်လာမည့် ပုဂ္ဂိုလ်တွေဟာ အရမ်းမလာဘူး လှမ်းကြည့်တာ။
လူ့ပြည်ဌာန လူ့လောကကို လာတဲ့ပုဂ္ဂိုလ်က ဗြဟ္မာပြည်ကလဲ လာတယ်၊ နတ်ပြည်ကလဲ လာတယ်၊ လူ့ပြည်ကလဲ လာတယ်၊
အပါယ်(၄) ဘုံကလဲ လာတယ်။ နတ်ပြည်ကလာမဲ့ ပုဂ္ဂိုလကြည့်နေတယ်။ဘယ်သူ့ကို အဖေတော်ရမှာလဲ၊ ဘယ်သူ့ကို အမေတော်ရမှာလဲလို့ ကြည့်နေတယ်။
မိမိတို့ တကယ်တန်း သားကောင်း ရတနာလေးတွေ၊ သမီးကောင်း ရတနာလေးတွေ လိုချင်တယ်ဆိုရင်၊ ဥပုသ်သီလတွေ စောင့်ထိန်း လိုက်စမ်းပါ၊ ငါးပါးသီလကို ခါးဝတ်ပုဆိုးကဲ့သို့ မြဲလိုက်စမ်းပါ။
အဖေကလဲ သီလ၊ သမာဓိ၊ ပညာရှိ၊ အမေကလဲ သီလ၊ သမာဓိ၊ ပညာရှိ။ မူးမူးရူးရူး၊ မိုက်မိုက်ကန်းကန်း၊ မဟုတ်တယုတ် လုပ်တာမျိုး မရှိရင် နတ်ပြည်ဌာနက နတ်သား၊ နတ်သမီးတွေက
*အမေတော်ဖို့ရွေးတာ ကိုယ်ပါသည်။
*အဖေတော်ဖို့ရွေးတာ ကိုယ်ပါသည်။ အဲဒါပဲ… ။
ကိုယ့်မှာ သားရတနာ၊ သမီးရတနာတွေ ရအောင် ကိုယ်ရွေးလို့ ရသည်။ ဒါပေမဲ့ ဒီနည်းတွေ ဘယ်သူမှ မသိကြပါလေ။ ဘုရားရှင်တော် ကိုယ်တော်မြတ်ကြီး၏ သာသနာမှာ ကြည်ညိုမီခို အားထားရတဲ့ ဒီလောက်ထိ ပညာအသိတရားတွေ တိုးနိုင်တယ်။
တကယ်လို့သာ ကိုယ်က သီလလဲမရှိ၊ သမာဓိလဲမပါ၊ ပညာဉာဏ်ကလဲ ဘာမှမရှိဘဲနဲ့ မူးမူးရူးရူး၊ မိုက်မိုက်ကန်းကန်း၊ အရက်သောက်လိုက်၊ ဖဲရိုက်လိုက်၊ ချဲထိုးလိုက်တဲ့ အမေ၊ အဖေမျိုးကို ဘယ်သူဝင်လာမှာလဲဆိုရင်..“လမ်းဘေးက ပြိတ္တာ”။ အဲဒီ ပြိတ္တာတွေပဲ ၀င်တော့တာ။ ဘယ်နတ်သား၊ နတ်သမီးကမှ စုတေပြီး ၀င်ချင်စိတ်ကို မရှိဘူး။ နောင်လာမည့် သားသမီးကို မေတ္တာရှိရင်ပြင်လိုက်စမ်းပါ။ ကောင်းတာလေးကို ကျင့်လိုက်စမ်းပါ။
အဲဒီလို.. သားသမီးရတနာတွေရအောင် နည်းကောင်းများကို သိရှိနားလည်သဘောပေါက် ကြပြီး၊ အဖေကလဲ *သီလ၊ *သမာဓိ၊ *ပညာရှိ၊ အမေကလဲ *သီလ၊ *သမာဓိ၊ *ပညာရှိကြကာ၊ မိဘတွေ အလိုအပ်ဆုံး ဖြစ်တဲ့ *သားကောင်း ရတနာ၊ *သမီးကောင်း ရတနာတွေ ရအောင် ကိုယ်တိုင် ရွေးချယ်ယူနိုင်သော သူတော်ကောင်းတွေ ဖြစ်ကြပါစေ သတည်း။
{၂၀၀၆ ခုနှစ် ဧပြီလ ၁၅ ရက် မှော်ဘီမြို့၊ သင်္ကြန်တရားစခန်းတွင် …
ဓမ္မဒူတ အရှင်ဆေကိန္ဒ ဟောကြားတော်မူသော…
“ငြိမ်းအေးပါပေစွတကား“တရားတော်မှကောက်နုတ်ရေးသားပူဇော်ပါသည်။}
Comments
Post a Comment